Broadlahnhintergrundbroadlahn

<<< zurück

Gluatmugl

(Schmuck/Schmuck)

 

Wånn da bluatrote Gluatmugl hinta die Berg vasinkt,

då denk i ma,
dass a åndaswo gråd aufgeht.
Und dort is gleichzeitig ana
vo unsre Antipoden,
a Maori, Samoaner oda so
und der denkt si, gråd aso wia i,

wånn da bluatrote Gluatmugl mitten im Meer aufgeht:

då foa ma mit da Erdn
wia an riesign Ringlspü,
fia sie san mia bloss ane
vo Millionen Årten,
wia Åmeisen und Elefanten
oda Saurier und Ammoniten,
die entstehn und wieder vagehn....

Wann da Gluatmugl gleichzeitig aufgeht und untergeht...

<<< zurück

   |    visuelle umsetzung: eye   |   impressum